[20.09.2009] 飞轮海耍帅袭澳门

飞轮海四位成员吴尊、汪东城、炎亚纶和辰奕儒继香港同台湾等地举行巡回演唱会后，今晚(19/9)四子便假澳门威尼斯人酒店举行「飞轮海想入飞飞世界巡回演唱会」，跟澳门歌迷见见面。

虽然唔少飞轮海歌迷都看过佢哋於世界各地所举行的演唱会，但系佢哋的热情并冇减退，话晒香港跟澳门只系一海之隔，难怪唔少香港歌迷都继续追到澳门，专诚「过大海」支持偶像。

喺演唱会上，飞轮海以太空造型打头阵，再配合现场特制的灯光效果，极富未来的感觉，佢哋以呢个帅爆的造型和甫士出场，演唱会刚开始，现场的歌迷已经即时陷入疯狂状态，尖叫声四起；之后佢哋更由呢个充满未来感的太空造型变身为飞行员，乘著飞行器攀升到5层楼高，作出高难度动作，当然佢哋继续以型挂帅，但系升到咁高，一班歌迷都睇得非常肉紧，大叫佢哋要小心。虽然亚纶同吴尊之前都曾受脚伤影响，不过四子依然表现落力，又唱又跳，绝冇欺场，台下歌迷叫得兴奋，而飞轮海亦收礼物都收到手软呢！