[12.09.2009] 飞轮海机场被围

飞轮海最新写ZHEN集《原点‧飞轮海》上星期五推出，将於明天(13/9)系台北西门町举行签书会，但佢哋今日却突然嚟咗香港，吸引过百fans接机。

自从2月嚟香港举行演唱会后，直至今次4子才再度合体嚟港，因此fans表现都比较疯狂，不断推逼佢哋，亦有几名fans被推倒，要由飞轮海扶返佢哋起身。

平时保安会预先封楼梯，唔俾fans靠近，等飞轮海快速去到停车场闪人，点知今日竟然冇人封梯，多fans成功突围，同飞轮海近距离接触，后来要保安赶佢哋走，而飞轮海亦花咗近20分钟才可以安全离开。

据闻佢哋今次秘密嚟港系为一个私人商业活动做表演嘉宾，而佢哋将於明早离港，赶回台湾准备签书会。